Trampın müşavirləri İran üzərində "qələbə elan etməyə" və çəkilməyə çağırır

“ABŞ prezidenti Donald Tramp əbədi olaraq döyüşməyə hazır olduğunu bildirib, lakin onun bəzi müşavirləri Vaşinqtonun uzunmüddətli müharibəyə cəlb olunacağından qorxur və onu ən qısa zamanda İran üzərində "qələbə elan etməyə" inandırmağa çalışırlar”.

Çağrı.az xəbər verir ki, bu barədə “CNN” telekanalı məlumat yayıb.

Məlumata görə, beş günlük döyüşlərdən sonra Trampın ətrafındakı bir çox insan artıq münaqişədən çəkilməyi zəruri hesab edir. ABŞ administrasiyası bu məsələdə ABŞ əhalisinin lazımi dəstəyini qazanmaqda çətinlik çəkib. Bundan əlavə, fond bazarı xaosa düşüb, benzinin qiyməti qalxır. Amerika ordusunun itkilərinin sayının artması ehtimalı var. Bu baxımdan prezidentin bəzi müşavirləri və yaxın müttəfiqləri onu hərbi əməliyyatı tez bir zamanda dayandırmağa və "qələbə elan etməyə" inandırmağa çalışırlar.