Türkiyə ABŞ-İran sülh səylərinin yeni başladığına inanır

"ABŞ və İran arasında sülh sazişinin hazırlanması üzrə faktiki və əsaslı işlər hələ yeni başlayır və İsrail bu prosesi pozmağa çalışır".

Çağrı.az xəbər verir ki, bunu Türkiyənin hakim Ədalət və İnkişaf Partiyasının sözçüsü Ömər Çelik deyib.

"ABŞ və İsrailin İrana hücumundan sonra yaranan vəziyyət, həqiqətən də, son dərəcə təəssüf doğurur. Bu, beynəlxalq sistemi sarsıtdı. Hazırkı razılaşma atəşkəsin davamlı sülhə gətirib çıxaracağı bir mərhələni təmsil edir. Bir çox məsələ 60 gün ərzində həll olunacaq. Lakin vəziyyət olduqca kövrəkdir. Çoxsaylı problemlər var: Hörmüz boğazının açılmasından ABŞ blokadasının qaldırılmasına qədər. Bir çox məsələ zənginləşdirilmiş uranla bağlıdır. Əslində, iş hələ yeni başlayır", - deyə o bildirib.