Ukraynanın Baş naziri Yuliya Svırıdenko ABŞ-ın Energetika naziri Kris Rayt ilə görüşündə Amerika şirkətlərini Ukraynanın zədələnmiş qaz infrastrukturunun bərpasında əməkdaşlığa dəvət edib.

Çağrı.az xəbər verir ki, bu barədə Svırıdenko Xorvatiyanın Dubrovnik şəhərində keçirilən "Üç Dəniz Təşəbbüsü" sammitində Raytla görüşündən sonra bildirib.

"Ukrayna və ABŞ-ın enerji sektorunda, xüsusən də dövlətə məxsus Naftogaz Qrupu ilə birgə layihələr vasitəsilə əməkdaşlığı inkişaf etdirməsi bizim üçün vacibdir. Biz Amerika şirkətlərini qaz infrastrukturunun bərpası üzrə əməkdaşlığa dəvət edirik", - nazir qeyd edib.

O, həmçinin Vaşinqtonu köhnəlmiş Ukrayna qaz avadanlıqlarını modernləşdirmək və dəyişdirmək üçün uzunmüddətli əməkdaşlıq qurmağa çağırıb.

Svırıdenkonun sözlərinə görə, bu cür layihələrdən bəziləri artıq yeraltı sərvətlər müqaviləsi çərçivəsində yaradılmış ABŞ-Ukrayna Yenidənqurma İnvestisiya Fondu (URIF) tərəfindən nəzərdən keçirilir.