Ukrayna təhlükəsizlik qüvvələri ölkənin şimalında, Belarusla sərhəd yaxınlığında müdafiə qüvvələri ilə birlikdə gücləndirilmiş təhlükəsizlik tədbirləri həyata keçirdiyini açıqlayıb.

Çağrı.az xəbər verir ki, bu barədə Ukrayna Təhlükəsizlik Xidməti (SBU) məlumat yayıb.

Xidməti özünün teleqram kanalında bildirib: "Ukraynanın şimal bölgələrində təhlükəsizlik tədbirləri gücləndirilir". Bu kompleks tədbirlərə əks-kəşfiyyat və əks-təxribat əməliyyatları daxildir. Əməliyyatlar Çerniqov, Kiyev, Jitomir, Volın və Rovno bölgələrində həyata keçirilir.

Ukrayna Təhlükəsizlik Xidmətinin Terrorla Mübarizə Mərkəzi işi əlaqələndirir və Milli Polis, Ukrayna Silahlı Qüvvələri, Milli Qvardiya və Ukrayna Dövlət Sərhəd Xidməti də tədbirlərdə iştirak edir. Gücləndirilmiş tədbirlərin bir hissəsi olaraq, xidmətlər şimal bölgələrində sakinləri yoxlaya, eləcə də nəqliyyat vasitələrini və əraziləri yoxlaya bilər. Bu bölgələrdə küçələrə giriş və səyahət də məhdudlaşdırıla bilər.