WSJ: İranda vurulan hədəflərin sayı 2000-i keçib

02 Mart 2026, 14:25
23
0

"ABŞ və İsrail hərbçiləri hərbi əməliyyatlarının başlanğıcından bəri İran ərazisindəki 2000-dən çox hədəfə hücum ediblər".

Çağrı.az xəbər verir ki, bu barədə "The Wall Street Journal" (WSJ) mənbələrə istinadən məlumat verib.

Nəşrin məlumatına görə, Amerika və İsrail hərbi rəhbərliyi son bir neçə ay ərzində potensial hədəflərin siyahısını hazırlayıb. Əməliyyatın ilk günlərində onlar əsasən İranın yüksək vəzifəli hərbi və siyasi rəsmilərinin yerləşdiyi ehtimal olunan yerlərə, hava hücumundan müdafiə sistemlərinə, ballistik raket buraxılış qurğularına və kəşfiyyat obyektlərinə hücum ediblər. Təkcə İsrail Hərbi Hava Qüvvələri 28 fevraldan bəri İrana qarşı 700-dən çox döyüş missiyası həyata keçirib.