Yapon ekspert: İranın iradəsi ABŞ-dan daha güclüdür

03 Aprel 2026, 15:34
25
0

"İran hərbi cəhətdən ABŞ-dan geri qalıb, lakin uzunmüddətli hərbi əməliyyatlara hazırlıq baxımından daha güclüdür".

Çağrı.az xəbər verir ki, bunu Yaponiya Milli Müdafiə Akademiyasının fəxri professoru Ryoji Tateyama "Yomiuri" qəzetinə verdiyi açıqlamada deyib.

“ABŞ Prezidenti Donald Trampın Amerikanın hərbi nailiyyətlərini vurğuladığı açıqlamalar İrana təsir etmir, çünki o, güclü müqavimət göstərmək əzmindədir. İran siyasi iradə nümayiş etdirir və ABŞ ilə kompromis yolu ilə sülh bağlamağa razı olmaq üçün heç bir səbəbi yoxdur”, - deyə o qeyd edib.

Tateyama əlavə edib ki, Tehran Körfəz ölkələrinə və İsrailə raket hücumları həyata keçirməyə davam edir və onları sosial və iqtisadi cəhətdən təzyiq altında saxlayır.