Yaxın Şərqdə baş verənlər Ukraynanın mövqeyini sarsıdır

Yaxın Şərqdə baş verənlər Ukraynanın mövqeyini sarsıdır - Stubb

Finlandiya prezidenti Aleksandr Stubbs Yaxın Şərqdəki müharibənin nəticələrinin Ukraynaya mənfi təsir göstərdiyini bildirib və bunun Rusiya ilə sülh danışıqlarını poza biləcəyindən narahatlığını bildirib.

Çağrı.az xəbər verir ki, bu barədə "The Guardian" qəzeti məlumat yayıb.

Londona səfər edən Stubb qeyd edib ki, Yaxın Şərqdəki müharibə diqqəti Ukrayna ilə bağlı sülh danışıqlarından yayındırır, Rusiyanın iqtisadi və hərbi mövqeləri isə güclənir.

"Ümid edirəm ki, Ukrayna ilə bağlı sülh danışıqları İran və ABŞ arasındakı danışıqların iflasa uğradığı kimi iflasa uğramayacaq", - deyə Stubb əlavə edib.

Onun sözlərinə görə, ABŞ və İsrailin hücumları səbəbindən neft qiymətlərinin kəskin şəkildə artması Rusiya iqtisadiyyatının çətin vəziyyətdə olduğu bir vaxtda Kremlin xəzinəsini dolduracaq.