Yaxın Şərq münaqişəsinin yaratdığı qlobal enerji böhranı yay mövsümü yaxınlaşdıqca yeni bir mərhələyə qədəm qoyur.

Çağrı.az xəbər verir ki, bu barədə "Financial Times" qəzeti mənbələrinə istinadən məlumat yayıb.

Qəzetin məlumatına görə, təxminən 80 ölkə iqtisadiyyatlarını qorumaq üçün təcili tədbirlər görüb. "Aberdeen Management" şirkətinin baş iqtisadçısı Pol Diql qəzetə bildirib ki, Brent markalı neftin bir barelinin qiyməti 180 dollara çata bilər.

Kondisionerlərdən istifadənin artması və vətəndaşların xarici səyahətlərə artan tələbatı səbəbindən neft, dizel və aviasiya yanacağının tədarükü ilə bağlı vəziyyət daha da pisləşə bilər. Jurnal qeyd edir ki, iqtisadçılar qlobal ehtiyatların müşahidələr tarixində rekord sürətlə tükənməsi ilə neft qiymətlərində yeni bir artımı istisna etmirlər.

Qəzetin sitat gətirdiyi Avropa nəqliyyat və turizm komissarı Apostolos Tsitsikostas bildirib ki, Yaxın Şərq münaqişəsi yaxın həftələrdə həll olunmazsa, "qlobal tənəzzül qaçılmaz ola bilər".