Əraqçi: Türkiyəyə doğru raket buraxılışı saxta əməliyyatdır

İranın xarici işlər naziri Abbas Əraqçi türkiyəli həmkarı Hakan Fidanla telefon danışığında İranın Türkiyəyə doğru raket atdığı iddialarını təkzib edib.

Çağrı.az xəbər verir ki, bu barədə İran Xarici İşlər Nazirliyi açıqlama verib.

Açıqlamaya görə, Əraqçi bəzi mənbələrin İrandan Türkiyəyə raket atışları ilə bağlı məlumatlarını tamamilə əsassız adlandırıb və bölgədə sülh və dostluq düşmənləri tərəfindən saxta bayraq əməliyyatlarının təkrarlanması barədə xəbərdarlıq edib.

İranın xarici işlər naziri bütün ölkələri təcavüzkarların cinayətlərini, xüsusən də İslam Respublikasındakı məktəblərə, universitetlərə və tədqiqat mərkəzlərinə, tarixi və mədəni yerlərə, sənaye və enerji infrastrukturuna və yaşayış məntəqələrinə hücumları qınamağa çağırıb.