Türkiyə prezidenti Rəcəb Tayyib Ərdoğan ABŞ və İsrailin İrana hücumlarının beynəlxalq hüququn açıq şəkildə pozulması olduğunu bildirib.

Çağrı.az xəbər verir ki, Ərdoğan bunu Ankarada mətbuata açıqlamasında bildirib.

Türkiyə lideri deyib: "Qonşumuz İrana edilən hücumlar beynəlxalq hüququ açıq şəkildə pozur. Bu günə qədər bu hücumlarda İranın dini lideri Əli Xamenei də daxil olmaqla bir çox iranlı qardaş və bacılarımız həlak olub. Ölkəm və xalqım adından İran xalqına başsağlığı verirəm".

O həmçinin qeyd edib ki, Fars körfəzi ölkələrindəki dövlətlər də İranın cavab tədbirlərindən əziyyət çəkiblər: "Bu məsələ ilə bağlı dərhal tədbirlər gördük. Şənbə günündən bəri ABŞ prezidenti, Qətər əmiri, BƏƏ prezidenti, Səudiyyə Ərəbistanının vəliəhdi, Avropa Komissiyasının prezidenti, Almaniya kansleri və NATO-nun baş katibi də daxil olmaqla bir çox liderlə geniş görüşlər və məsləhətləşmələr keçirdik".