Ərdoğan: Türkiyə Ukraynada sülh yolu ilə həll olunacağına ümid edir

Türkiyə Prezidenti Rəcəb Tayyib Ərdoğan Ukraynadakı münaqişənin diplomatik yolla həllinə inandığını və tərəflər arasında birbaşa danışıqları, o cümlədən yüksək səviyyəli təmasları asanlaşdırmağa hazır olduğunu bildirib.

Çağrı.az xəbər verir ki, bu barədə Ərdoğan Antalya Diplomatik Forumunun açılışında bildirib.

"Biz qonşuluğumuzdakı digər bir münaqişə zonası olan Ukraynadakı müharibə nəticəsində baş verən itkilər və dağıntılar üçün kədərlənirik. Müharibənin bütün tərəflərin ədalətli və bərabər şəkildə təmsil olunduğu danışıqlarla başa çatacağına inanmağa davam edirik. Burada səmimi qəlbdən bildirmək istəyirəm ki, Türkiyə tərəflər istəsə, liderlərin zirvə görüşü də daxil olmaqla, birbaşa danışıqları asanlaşdırmaq üçün atılan istənilən addımı dəstəkləməyə hazırdır", - Ərdoğan qeyd edib.