Türkiyə Prezidenti Rəcəb Tayyib Ərdoğan Ukrayna Prezidenti Volodimir Zelenski ilə telefonla danışıb.

Çağrı.az xəbər verir ki, bu barədə Türkiyə Prezident Aparatının Kommunikasiya İdarəsinin açıqlama verib.

Açıqlamaya görə, liderlər Türkiyə ilə Ukrayna arasında ikitərəfli münasibətləri, eləcə də regional və qlobal məsələləri müzakirə ediblər

Söhbət zamanı Ərdoğan İrandakı münaqişənin Ukraynada sülh axtarışına mane olmamalı olduğunu, danışıqların gecikmədən davam etdirilməsinin faydalı olacağını və Ukraynanın yaralarının sağalmasının, yenidənqurma işlərinə başlamağın və davamlı təhlükəsizliyin təmin edilməsinin ən vacib olduğunu bildirib.

Ərdoğan həmçinin Qara dənizdə naviqasiya təhlükəsizliyinin Türkiyə üçün çox vacib olduğunu, enerji infrastrukturunu və limanlarını qoruyacaq atəşkəsin təmin edilməsinin tərəflər arasında etimadın qurulmasına töhfə verə biləcəyini və Türkiyənin buna hər cür dəstəyi verəcəyini də qeyd edib.